Դերենիկ Դեմիրճյանի Տուն-թանգարան
Այն տանը, որտեղ ապրել է մեծն գրող Դեներիկ Դեմիրճյանը 1929-56 թթ-ին, 1977թ-ին դառնում է գրողի տուն-թանգարանը։ Թանգարանի հիմնադրողը եղել է Նատալյա Շիրինյանը, ով Դեմիրճյանի քրոջ դուստրն է։
Թանգարանում պահպանվել են, ոչ միայն գրողի և նրա ընտանիքի անդամների անձնական իրերը, այլ նաև տան ներհարդարանքը, պատերի, հատակի գույնը, վարագույրները, ջահերը, անգամ՝ էլեկտրական հաղորդալարերը:
Ցուցադրությունը գտվում է 4 սրահներում, որոնցից երկուսը հուշային են։ Առաջին սրահում կարելի է տեսնել վահանակներ, որտեղ լուսանկարների, ձեռագրերի, փաստաթղթերի միջոցով կարելի է ծանոթանալ Դեմիրճյանի կյանքին։ Երկրորդ սրահը հուշային սենյակ է, որտեղ կարելի է տեսնել գրողի աշխատասենյակը։ Սենյակում դրված է Դեմիրճյանի գրասեղանը, գրքերը, գրենական պիտույքները, կենցաղային իրերը և շախմատը։ Երրորդ սենյակը նույնպես հուշային է, այն հյուրասենյակն է։ Պահպանվել են սենյակում առկա պահարանները, սեղանը, աթոռները, սպասքի պարագանները, հագուստները և Դեմիրճյանի յուղաներկ ու գրաֆիկական աշխատանքները։ Եվ ավարտվում է ցուցադրությունը չորրորդ սենյակով, որտեղ ներկայացված են թատերական էսքիզներ, լուսանկարներ, թեմատիկ վահանակներ, գրքերի տեսքով ներկայացված են դեմիրճյանական կինոն և թատրոնը։Կան Դեմիրճյանի և նրա <<Քաջ Նազար>> թատերգության հերոսների կերպարները ներկայացնող քանդակներ: Առանձին ցուցապահարանում կարելի է տեսնել <<Վարդանանք>>-ի տարալեզու հրատարակություններն ու տուն-թանգարանի հրատարակած գրքերը:
Աշխատանքային օրերը՝ երեքշաբթի-կիրակի
Աշխատանքային ժամերը՝ 11:00-17:00
Կիրակի՝ 11:00-16:00
Էքսկուրսիաների համար գրանցվել նախապես։
Էքսկուրսիայի արժեքը հայերեն 2000 դրամ է։
Էքսկուրսիայի արժեքը ռուսերեն/անգլերեն 3000 դրամ է:
Նախապես գրանցվել մինչև թանգարան այցելելը։
Մուտքի տոմս - 1000 դրամ։
Աշակերտական, ուսանողական, թոշակառու տոմս -500 դրամ:
Մինչև 12 տարեկան երեխաների մուտքը անվճար է։